معاني اسامي البنات حسب علم النفس !!!

لخاطركن أخواتى الفضلوات ..
و خاطر الأخت mariem فهى محبة لما يتعلق " بعلم النفس "

نفعكن الله من علمه و فضله
ـــــــــــــــــــــــــــــــــــــــــــــــــــــ

معاني اسامي البنات حسب علم النفس !!!

ابتسام : رزينة .. و ثقيلة .. و خدومة .. بس عقدتها إنها شينه .

أمل : طيبة قلب .. و تفكر ألف مرة قبل ما تقرر بشي .

أحلام : قوية الشخصية .. ذكية .. خدومة .. و دايم تحلم و تخطط حق المستقبل وعندها طموح.

أسماء : هادية و علطول ساكتة .. و مخلصة .. بس غامضة .

ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

بدور : مثل اسمها حلوه و مزيونة و خجولة .. بس يا ويلك منها اذا سويت فيها شي .

بشرى : تحب تثبت نفسها .. ذكية .. تحب الناس .. غامضة .

بدرية : ثقيلة و رزينة .. و كتومة .. يعني إذا قلتلها سر .. تظمن سرك في بير.. بس ثقيلة دم .

بسمة : انسانة ذكية .. شخصيتها قوية .. ما تحب اللف و الدوران .. اذا حست ان في انسان بيغلط عليها .. تلعن سلسفيل اجداده ..

تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.

تغريد: طيبه و محبوبه من الجميع .. بس فيها عرق سوداني .. يعني عجازه.

جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

حصه : قوية شخصيه .. محبوبه .. بس للأسف مالها حظ .. دايم مقروده.

حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

دلال : .حلوه و جذابه .. بس مشكلتها انها ضعيفة شخصيه .

ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

دانه : أهلها يموتون فيها .. دلوعه .. و حلوه ولسانها طويل تعلقه على كتفها..

رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..

روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..

رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

رانيا : دلوعه .. ويعتمد عليها .. بس مشكلتها انها ثقيلة دم ..

زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

سعاد : شاطره و ذكيه .. بس شرانيه.

ساره : محبوبه .. ذكيه .. طموحه .. عنيده ..و مزعجه.

سلمى : ذكيه .. شخصيتها قويه .. تحب الحريه و التجديد .. لكنها مزعجه.

سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..

شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

شوق : رقيقه.. و تحب تثبت نفسها .. خوافه.

عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

عزيزه : مخلصه .. رزينه .. ثقيله .. وثقيلة الدم.

العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.

فاتن : حلوه .. حبوبه .. ذكيه .. شخصيتها ضعيفه.

فردوس : ذكيه .. طموحه .. شخصيتها قويه.

لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

ليلى : شخصيه قويه .. ذكيه .. حبوبه . تحب المزاح .. لكنها مزعجه.

منيرة : واضحة .. ماتحب اللف و الدوران .. صريحة .. و أم حنون .. بس لسانها طويل .

منال : هادية .. و حلوة . و دلوعه .. و واثقة من نفسها .. بس انها مغرورة .

مريم : طيبه و على نياتها .. عاطفية .. و مندفعة .. تحب الحش.

منى : هاديه .. و رزينه .. ذكيه .. و تحب المظاهر.

مشاعل : محبوبه .. تحب بناء صداقات .. لكنها غامضه .

نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

نوف : تحب بناء الصداقات .. تحب المغامرات ... تحب التراث .. لكن يا حبها حق الحش .

نوال : شخصية قوية .. محبوبة .. و تحب الناس .. مطيعة .. و عنيدة .

نادية : شخصيتها قوية .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مرة قبل ماتسوي أي شي
.
هدى : شخصية قوية .. يعتمد عليها في أصعب المواقف .. خدومة .. لكنها غامضة .. و تحب الحش .

هناء : على نياتها .. تتصرف حسب مايملي عليها عاطفتها .. بدون تفكير .. ذكية .. خدومة ..

هيا : محبوبة .. تحب اللي يحبها بس .. مطيعة .. مخلصة .. لكنها عصبية .

هند : عاطفية .. ذكية و شاطرة .. اذا حبت شي تحب تمتلكه لحالها .. غيورة

هنادي : شخصية قوية .. تحب الدلع و المظاهر .. ذكية .. ومحبوبة من الجميع

وفاء : شاطرة و ذكية .. بس ياويل اللي هي تحط عينها عليه.

ياسمين : قلبها طيب .. خدومة .. مزيونة .. لكنها متهورة .

يسرى : شخصية قوية .. تحب تثبت ذاتها .. و تحب المظاهر...

منقووووول لعموم الإفادة ...
عن أحد منتديات علم النفس

بالمناسبة كاتبة المقال أو ناشرته هى أخت تدعى : هلا
و من السعودية ... اللى ما يعجبها تصنيفها تتصرف معها .. وخصوصا اللى تحب الحش و اللى دمها تقيل و أم لسان طويل .. أنتن من جنس واحد و اتصرفن مع بعضكن ..

و بالمناسبة أيضا .. بما أنى معلم ... و عاصرت أكثر من ثلاثين فصل دراسى .. إلتقيت فيها مئات أو آلاف البنات لا يعلم عددهن إلا الله وحده .. فهذا التصنيف أقرب كثير إلى الصحة .