الرئيسيةاليوميةمكتبة الصورس .و .جبحـثدخولالتسجيل

شاطر | 
 

 الجزء السادس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهره السوريه





انثى
اللإنتساب : 11/04/2009
عدد المساهمات : 700
عدد الـنقاط : 2208
المهنه :
الهوايه :
الجنسية :
MMS
 دعاء :

مُساهمةموضوع: الجزء السادس   2009-08-06, 4:33 am

رساله




_-_-_ بعد أسبوع _-_-_

في بيت فـرح الوضع مايسر ..أم فرح إلي هي " ام فايز " حالتها النفسيه سيئه لابعد الحدود خلاص أهل القتيل رافضين يتنازلوا وفايز بيروح عنهم بعد يومين بس .. خلاص فايز بيفارق الدنيا بيندفن تحت التراب بيلبس الكفن ويلتحف فيه .. أما بالنسبه لفرح واخواتها واخوانها فحالتهم مررره زفت كل واحد بغرفته يشكي همه ومصيبته لربه الي مالهم غيره ..
في غرفة فرح .. حالتها هالايام تدهورت بشكل فظيع نزلت 3 كيلو ماتآكل ولا تشرب ولا تنام وشكلها صار يفجع ..
فجر : خلاص يافرح خلااااص ادعيلو وصلي ركعتين لربك بدال ماتبكي كدا الدموع محاتسوي شي ..
فرح تصرخ : فجرررررررر اخويا بيمووت اخويا حيرووح خلاص فااايز حيسير بحححح مافيه شي اسمو فاايز فاهمه ولا لاء يعني بنصير 6 مو 7 واحد مننا بيروح بيمووت بيختفي من حياتنا تعرفي ايش معنى دا الكلام ولا مخك مقفل كيف تبغيني اهدأ كيييييف ..
فجر نزلت دموعها الي كانت حابستها طول هالايام : خلاص يافرح بلييز الي فيني كافيني انا جيتك ابغاكي تخففي عني مو تزيديني ..
فرح تبكي بشهقات وغصات ..
دخل عليهم فهد .. شاف حال اخواته حس بسكين تنطعن في قلبه كان متأكد انو اذا راح فايز بتروح كل بسمه بهالبيت وكل فرح .. بتموت كل اللحظات الحلوه وايام الفرح والسعاده ..
فهد بجديه : بناات يلا الغداء ..
فجر : مين لو نفس ياكل ..
فهد : يابنت انتي وهيا مايصير كدا شوفوا اشكالكم كيف هياكل عظميه مو أوادم ..
فرح تصرخ : فــــــــــــــــــــــهد اطلع برى مابغه اكل مابغه اشوف احد .. حـــرام عليا احط لقمه في فمي الين يرجع فايز واشوفو بعيوني ..
فهد طالع فيها بحزن ورخى راسه وقال بهمس ماوصل لأذن أحد غيره : هذا المستحيل بعينه ..
طلع من الغرفه ودموعه على طرف عينه اخوهم وحبيبهم وأبوهم بيرحل عنهم خلاص كبير هالبيت بيبات تحت هالأرض .. ماتحمل هالفكره ولا هوا قادر يتخيل البيت بدون فايز طلع بسرررعه من البيت وشخط بالسياره ومالقى نفسه الأ قدام بيــــت عمه أبو سالم ..

دخل عليهم بدون لا إحم ولا دستور ..
اتفآجأوا كل الي كانوا جالسين بالصاله المفتووحه ..
وقف واحد من الشباب واعتفس وجهه والدم كله اتجمع في راسه لمن شاف فهد ..
سامي : انقلع برىىىى ايش جابك ايش تبغه خلاص كلمه وقلناها ومحنا مغيرينها فااااهم ولا تحب افهمك على طريقتي ..
فهد غمض عيونه بقوه : سامي ارحم أم تموت كل دقيقه في بعد ابنها ارحم خوااااته ياسامي محرمين على نفسهم اللقمه في بعده ..
قاطعه سامي : هههههههه وانتا اخوك مافكر في امي قبل مايذبح اخوي مافكر ايش بيصير فينا مافكر ايش بتكون نهايتو هاااا رد عليا انا امي الي لها اسبوع طايحه بالمستشفى من الصدمه واخواتي الي تدهورت صحتهم وحالتهم مين بياخذلهم حقهم والله حالف لا اخذ بثار اخوي لو كلفني حياتي واحلم اتنازل سااامع ولا لاء يلا اطلع برى ولا عاد اشوف وجهك منتا ولد عمي ولا اعرفك ساااامع ..
فهد بقلة حيله رفع يده للسماء ودعى دعااء من قلبه : يارب انك تفرج هم اخوي وتسامحه ..
سامي بصوت عالي : انقلع ايش تستنى ..
طلع فهد يجرجر حزنه وآلامه خلاص فقد الامل

.
الرجوع الى أعلى الصفحة اذهب الى الأسفل
 
الجزء السادس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صـــــــــرخـــــة قــــــــــلــــــــم :: حديقه الادب لصرخة قلم :: الروايات والقصص القصيرة-
انتقل الى:  
أنظم لمتآبعينا بتويتر ...

آو أنظم لمعجبينا في الفيس بوك ...