الرئيسيةاليوميةمكتبة الصورس .و .جبحـثدخولالتسجيل

شاطر | 
 

 مذكرات حمصي صفنان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rose





انثى
اللإنتساب : 12/05/2009
عدد المساهمات : 10295
عدد الـنقاط : 16630
المهنه :
الهوايه :
الجنسية :
وسامي :
MMS
 دعاء :

مُساهمةموضوع: مذكرات حمصي صفنان   2010-02-11, 2:23 pm


سلام

اجيت على حومص بعد تلات سنين...وبألبي كالعادي شي بيتسمى شوء وحنين

كنت بالأول اجي يومين تلاتي.....ارجع الخميس وكون بالكتير جاي التلاتي

بس هالمرة ضليت أكتر....... ما مشان شي..... بس لأنو موعد فيزتي اتأخر



اول يوم شي ستي الصوبح…………..

حسيت بريحة.... عم تضرب مونخاري

ما عرفتها ريحة شي بطن......ماعرفتها شي حفرة مجاري

ضلت هالريحة ساعتين........وبعدها.... نسيتها لحالي

فائوا الناس بلا طول سيرة........ وما حدا دريان شو صار.... بهديك الليلة

عرفت بعدها انو الحماصنة.... عم يناموا ليلهم............والروايح عم تهديلهم

ومتل ما تعودوا على طأ حنك عالناس...... تعودوا على روايح الحمض والأساس



تاني يوم نزلت اتمشى بالسيارة ...

لا تستغربوا.... لأنو المشي على الرجلين.... ما عادت من معالم الحضارة

عدد السيارات كترت... ومشان هيك البلد.... اتألبت واتحفرت

صار شارع الغوطة أصغر...... وذكرياتنا على حروفو.. أخدوها على أبعد مكسر

سألت... ليش شالوا الأكاسيا والشجر...؟ وحطوا بدالهم كومات الحجر؟

الولي في ناس أفهم منك.... بتعرف مصلحتك.... وبتأدر همك

والولي الشجر صايرعم يئزينا..... بدنا نلحئوا بكل حومص... لنشيلوا بالماكينا

ومشيت بشارع تاني.... ذكرياتوا أقل.... بس حجاروا ابدا ما بتنساني

هادا الشارع اسمو العراب...... محل ماكانت تعلأ الكعاب

الولي انهم ظبطوه ......صار متل الشانزلزيه.....عرضوه و نوروه

التلهم والله حيرتوني....... وبهالتصميم صطلتوني

انتو بدكم شوارع عريضة........ ولا ألع الشجر بحومص صاير فريضة



حموصة صارت مجنوني وبالهوايش.... مفتوني



حملت حالي ونزلت عالدبلان

يمكن مافي شي اتغير....... ويمكن انا نسيان

بس المهم ادريت.... انو الأسعار... ما بالحسبان

وأصحاب المحلات ... فلان وابن فلان وابو فلان

التلهم ياناس فهموني..... واذا حكيت طنشوني

كيف اجرة محل مية الف.......... والناس عم تضرب كف على كف

هلأ التجار عم يشتغلوابالتياب...؟ ولا انا ماني عم اخود بلأسباب

الولي البلد اتغيرت..... ومن احسن لأحسن اتطورت

والولي كمان........... انو لازم كون... حربوء وفهمان

الت بألبي بعين الله..... ويمكن انا لسا... ما اولت بسم الله







مشينا هيك على شارع الملعب...... محل ما كنا نروح ونجي.. بدون ما نتعب

الشارع يا اخوان صاير شي جنان

أهوة جنب أهوة جنب أهوة.... وبتسأل لمين بيؤولولك.....

ل فلان وابو فلان وابن فلان

بلا طول سيرة وفزلكة

هالشارع صار معجوء........وبالصبايا والشباب.. مفتوء

أعدت باول وحدة... وبلا ذكر اسامي

وكانت هاي الأعدة.. بأول ايامي

للحأ الأعدة ظريفة... والطاولات حلوة ونضيفة

بس مع انوفاتورة شخصين طلعت خمسمية

طعمة المشروب كانت اتولية

قلت يمكن انا غلطان ولازم ماكون نئز أو أرفان

رحنا على أهوي تاني .. الولي هاي ملياني... واسمهامابعرف... فرنسي على طلياني

وبعد ما طلبنا وحضر المشروب

جابلونا شي غير المكتوب

كمان الت بالبي... ياولد انتي الغلطان... ويمكن مانك فهمان

روح جرب الجهة التاني... هادا صاحبو... غير فلان وابو فلان وابن فلان

وفتنا على هالمكان.......

حسيت حالي بمكان غير المكان...... وزمان غير الزمان

كأني ابن السبعين وجاي....... على محلات ولاد العشرين

مالح احكي شي.... بس طلعت منو صفنان.... وبحالة حومص مدهوش كمان



وأفت براس الشارع من بعيد..... وحاطط راسي بهالأيد

وعم اؤول بألبي

كيف هالجامع يلي عم يأدن هالأدان... عم يطلع منوهيك ناس.. بدون حس او وجدان

يا ابي رباني غلط.... أو انا صايبني اللغط

وتذكرت ايام زمان

لا كنا نروح على جامع.... ولا نحضر دروس فلان وفلانة.... ولاعلان ولاعلانة

كنا نطلع من المدرسة.... ونركض على شارع الغوطة.... ندعوس على طرابو دعوسة

نستنى البنات ليطلعوا من غرناطة...... وكل واحد فينا..... عم يمشط شعروا بالمشاطة

نتفرج عليهم وهني ماشين....... وبألبنا عم نقول........ يا ليل يا عين

يطلعوا البنات مشنكلين..... وبمشيتهم متفشكلين

ماكنا نشوف بنت بحجاب..... بس كانوا بأخلائهم..... ينكتب كتاب

وكنا نتابعهم بعيوننا المتحسسة.... بدون وقاحة او فسفسة

بس هلأ صارغير..... والحجاب صار شي خطير

والشباب اتجعلكت.... وبالبنات اتشبهت

وصرت تشوف بنفس المكان...... الشيوخ مع الزعران

البنت بتشوفها مصروعة.... بشارع الملعب مزروعة

عم تتفتل يمين وشمال...... وحالها مو هاد الحال

من عمرها طنعش بتتغندر.. جنز وبودي.. وبالحجاب بتتستر

والشب بيلحأها كمان... وبيسمعها كلام.... والله ما بيحملو انسان



حموصة صارت مألوبي وعلى شيكاغو..... محسوبي





لح غير حديثي هلأ... مشان ما تؤولوا بالغيبة والنميمة متعلأ

......

لح وأف مرة تاني عن النميمة.... واحكي عن شغلة بتهم هالأمة العظيمة

انا مابفهم بالطابة... ولا بالدوري ولا بالكاس

بس والله شي ما بيدخل بالراس

كيف نادي بيستثمرهالأهاوي المطشوشي...... جيبتو فاضي ومبخوشي

سؤال برسم الأجابة لأصحاب الخبرة والانابة

بدي اسأل المسؤولين..... والتجار المعروفين

كيف بلدنا لح تتطور..... اذا شبابها عم يترحل

ليش الشب ما عم يرجع....... مع انو برا موجع

ماعم الكم ما تبيعوا بضاعة........ أو ما تفتحوا أهوة... جماعة

بس حاجتكم مؤامرات........ وحاجي دوائر وأبراج...... بالعشرات

و لازم فهمكم منيح..... وضع هالشب الجريح

الواحد فيهم عيونوا لبرا....... يدور فيزا سعودية

بيدفع دم ألبو لكفيلو............. ليعيش حياة عبودية

وبيكون ببلدوعامل انجاز......... وشغال بشركة دولية

ويا عيني بيئضي سنتين...... عم يوفي بهالدين

وبعدها كمان بسنتين..... بيلم بدلو..... ويخزي العين

وبيطلع ياحبة ألبي.... زميط....... وبعيون الحماصنة.... طيط

مرتو بيتعقد ليجيبا......... وبيفرشلا البيت.... من أريبا

أخرتها متغرب تعبان............. ومرتو ماعاجبها كمان



حموصة صارت عجيبة ومن بنغلادش...... أريبة



الولي لازم تشتري بيت... مشان تخطب حمصية.... اذا حبيت

التلهم ليش لأ... ما بدي اطمع كتير.... جنب أهلي.... لا كبير ولا صغير

الولي ظبط عشرة مليون..... وأحلى بيت بيجهزلك.... كرمال هالعيون

انحولت عيوني بالطول وادنيي طنو طن

التلهم أهلي بالانشاءات..... والانشاءات مانها بواشنطن

الولي هاي حمص يا حباب..... بلد الحمص والكباب

التلهم هالمبلغ كبير..... ولازملوا تفكير وتدبير

ضربت أخماس بأسداس.... والت بلمهم متل الناس

وبحسبة صغيرة بسيطة كتير...... عرفت الحل..... وشكرت ربي كتير

والت لحالي هادا الحل هوي الأنسب...... وأبدا ما لح اتغلب

واذا عجبكم يا أخوان..... بهديكم اياه بالمجان

لح روح لعندابوالأحلام.... واقترح عليه منام



يهدوا حمص بيت بيت

ويشيلوا الناس بكميون

ويعوضوهم عن كل بيت

بمبلغ حوالي المليون

ويزتوهم بشي أرض....... ويؤولولهم عيشوا هنيك

ساعتها بتلائي علية..... وبتخطب احلى حمصية





لح ارجعلكم عالتفاهة... مشان ما تملوا... وتفكروني اخد الشغلة وجاهة

الولي اصص جديدة........ عن الحب والغرام

وحكولي انو حمص........ صارت أفظع من الشام

حكولي عن فالنتينو.......... الكل البنات حابينو

الحلوة انو منطوط........... وعالبنات بيتحطط

وحكولي عن شب تاني...... وعن صاحبو ابن فلاني

ولما بسأل منو هاد؟؟؟؟؟

بيئولولي صاحب فلانة .....وأبلها كان مع علانة

والمصيبة انو فلانة........ هي صاحبتها لعلانة

الله يرحم حب زمان

شب يؤول للبنت بحبك... تضل بألبو عشر سنين

شب يؤول للبنت بشوفك... ينطرها شي تلات سنين

هيي تؤولوا تعا اتأدم...... وهوي خيفان من الجيش

هيي تؤولوا روح اتعلم..... يروح يركض متل كديش

وبالأخر هيي تتجوز....... وهوي يهاجر حتي يعيش



حموصة صارت خربانة ومتل انطالية.... فلتانة



الظاهر طولت كتير...... بالصفن والتفكير

بس حبيت اوصف حال..... غريب وما كان عالبال

يمكن كنت مفكر ابئى أكتر...... بس الظاهر المكتوب.... مأدر

طلعت الفيزة بدون تأخير...... والطيارة لح بتطير

والأغراض عم تتحضر...... والشناتي عم تتسكر

وببالي سؤال كبير..... عن الجية التاني..... اذا حتصير

هل لح ضل وأت كبير...؟ أو برجع الخميس.. بعد ماكون جاي التلاتا بالكتيير ؟؟؟؟؟؟


اخ يا حومص شو صاير فيكي اخ











الرجوع الى أعلى الصفحة اذهب الى الأسفل
القيصر





ذكر
اللإنتساب : 22/04/2008
عدد المساهمات : 4324
عدد الـنقاط : 9257
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-02-11, 10:03 pm

رساله

اللهجه حمصيه كامله

ههههههه

تحيه لاخواننا بحمص


مشكوره روز











الرجوع الى أعلى الصفحة اذهب الى الأسفل
rose





انثى
اللإنتساب : 12/05/2009
عدد المساهمات : 10295
عدد الـنقاط : 16630
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-02-12, 8:29 pm



سلام



شكرااا القيصر


مرورك اسعدني



تقبل احترامي











الرجوع الى أعلى الصفحة اذهب الى الأسفل
اميرة المنتدى





انثى
اللإنتساب : 17/04/2008
عدد المساهمات : 6216
عدد الـنقاط : 11760
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-02-27, 12:18 pm

رساله

ههههههههه


ثانكس روووز











الرجوع الى أعلى الصفحة اذهب الى الأسفل
rose





انثى
اللإنتساب : 12/05/2009
عدد المساهمات : 10295
عدد الـنقاط : 16630
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-02-27, 9:01 pm




اموره كلك زوووء

اسعدني مرورك












الرجوع الى أعلى الصفحة اذهب الى الأسفل
البرنسيسه





انثى
اللإنتساب : 05/08/2008
عدد المساهمات : 5767
عدد الـنقاط : 11750
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-02-27, 10:33 pm



روز

مشكوره

هههههههههههههههه











الرجوع الى أعلى الصفحة اذهب الى الأسفل
rose





انثى
اللإنتساب : 12/05/2009
عدد المساهمات : 10295
عدد الـنقاط : 16630
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-05-04, 3:40 pm

[center] رساله



نورتي الصفحه برنسيسه


كلك زووووووووء


تحياتي












الرجوع الى أعلى الصفحة اذهب الى الأسفل
الطير الحزين الشادي





ذكر
اللإنتساب : 22/04/2009
عدد المساهمات : 779
عدد الـنقاط : 601
العمل : معلم معجنات
المزاج : عادي
المهنه :
الهوايه :
الجنسية :
MMS
 دعاء :

مُساهمةموضوع: رد: مذكرات حمصي صفنان   2010-05-07, 12:05 pm

هههههههههههههههههههههههههه
ههههههههههههههههههههههههه
ههههههههههههههههههههههههه

تقبلي مروري

دمت بعزز
الرجوع الى أعلى الصفحة اذهب الى الأسفل
rose





انثى
اللإنتساب : 12/05/2009
عدد المساهمات : 10295
عدد الـنقاط : 16630
المهنه :
الهوايه :
الجنسية :
وسامي :
MMS
 دعاء :

مُساهمةموضوع: رد: مذكرات حمصي صفنان   2010-05-09, 8:42 pm

سلام



نورررررررررت الصفحه


لك احترامي












الرجوع الى أعلى الصفحة اذهب الى الأسفل
 
مذكرات حمصي صفنان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صـــــــــرخـــــة قــــــــــلــــــــم :: حديقه الادب لصرخة قلم :: الأدب الساخر-
انتقل الى:  
أنظم لمتآبعينا بتويتر ...

آو أنظم لمعجبينا في الفيس بوك ...